रुद्र कवच: क्रियोड्डीश का पाठ और दुर्वासा-शाखा से मिलान

रुद्र कवच · पं. 21851–21904

वक्ष्यामि देवि कवचं मङ्गलं प्राणरक्षकम् ।
अहोरात्रं महादेवरक्षार्थं देवमण्डितम् ॥
ॐ अस्य श्रीमहादेवकवचस्य वामदेव ऋषिः पंक्तिश्छन्दः सौः बीजं रुद्रो देवता सर्वार्थसाधने विनियोगः ॥
रुद्रो मामग्रतः पातु पृष्ठतः पातु शङ्करः ।
कपर्दी दक्षिणे पातु वामपार्श्वे तथा हरः ॥
शिवः शिरसि मां पातु ललाटे नीललोहितः ।
नेत्रं मे त्र्यम्बकः पातु बाहुयुग्मं महेश्वरः ॥
हृदये च महादेव ईश्वरश्च तथोदरे ।
नाभौ कुक्षौ कटिस्थाने पादौ पातु महेश्वरः ॥
सर्वं रक्षतु भूतेशः सर्वगात्राणि मे हरः ।
पाशं शूलं च दिव्यास्त्रं खड्गं वज्रं तथैव च ॥
नमस्करोमि भूतेश रक्ष मां जगदीश्वर ।
पापेभ्यो नरकेभ्यश्च त्राहि मां भक्तवत्सल ॥
जन्ममृत्युजराव्याधिकामक्रोधादपि प्रभो ।
लोभमोहान्महादेव रक्ष मां त्रिदशेश्वर ॥
त्वं गतिस्त्वं मतिश्चैव त्वं भूमिस्त्वं परायणः ।
कायेन मनसा वाचा त्वयि भक्तिर्दृढास्तु मे ॥
इत्येतद्रुद्रकवचं पठनात्पापनाशनम् ।
महादेवप्रसादेन भैरवेण च कीर्तितम् ॥
न तस्य पापं देहेषु न भयं तस्य विद्यते ।
प्राप्नोति सुखमारोग्यं पुत्रमायुःप्रवर्द्धनम् ॥
पुत्रार्थी लभते पुत्रान् धनार्थी धनमाप्नुयात् ।
विद्यार्थी लभते विद्यां च मोक्षार्थी मोक्षमेव च ॥
व्याधितो मुच्यते रोगाद्बद्धो मुच्येत बन्धनात् ।
ब्रह्महत्यादि पापं च पठनादेव नश्यति ॥

उच्चारण

vakṣyāmi devi kavacaṃ maṅgalaṃ prāṇarakṣakam | ahorātraṃ mahādevarakṣārthaṃ devamaṇḍitam || oṃ asya śrīmahādevakavacasya vāmadeva ṛṣiḥ paṅktiś chandaḥ sauḥ bījaṃ rudro devatā sarvārthasādhane viniyogaḥ || rudro mām agrataḥ pātu pṛṣṭhataḥ pātu śaṅkaraḥ | kapardī dakṣiṇe pātu vāmapārśve tathā haraḥ || śivaḥ śirasi māṃ pātu lalāṭe nīlalohitaḥ | netraṃ me tryambakaḥ pātu bāhuyugmaṃ maheśvaraḥ || hṛdaye ca mahādeva īśvaraś ca tathodare | nābhau kukṣau kaṭisthāne pādau pātu maheśvaraḥ || sarvaṃ rakṣatu bhūteśaḥ sarvagātrāṇi me haraḥ | pāśaṃ śūlaṃ ca divyāstraṃ khaḍgaṃ vajraṃ tathaiva ca || namaskaromi bhūteśa rakṣa māṃ jagadīśvara | pāpebhyo narakebhyaś ca trāhi māṃ bhaktavatsala || janmamṛtyujarāvyādhikāmakrodhād api prabho | lobhamohān mahādeva rakṣa māṃ tridaśeśvara || tvaṃ gatis tvaṃ matiś caiva tvaṃ bhūmis tvaṃ parāyaṇaḥ | kāyena manasā vācā tvayi bhaktir dṛḍhāstu me || ity etad rudrakavacaṃ paṭhanāt pāpanāśanam | mahādevaprasādena bhairaveṇa ca kīrtitam || na tasya pāpaṃ deheṣu na bhayaṃ tasya vidyate | prāpnoti sukham ārogyaṃ putram āyuḥpravardhanam || putrārthī labhate putrān dhanārthī dhanam āpnuyāt | vidyārthī labhate vidyāṃ ca mokṣārthī mokṣam eva ca || vyādhito mucyate rogād baddho mucyeta bandhanāt | brahmahatyādi pāpaṃ ca paṭhanād eva naśyati ||

अर्थ

हे देवी, मंगलमय और प्राणों की रक्षा करने वाला कवच कहता हूँ; यह दिन-रात की रक्षा के लिए है ("अहोरात्रं महादेवरक्षार्थं")।

रुद्र आगे, शंकर पीछे, कपर्दी दाएँ और हर बाएँ रक्षा करें। शिव सिर, नीललोहित ललाट, त्र्यम्बक नेत्र, महेश्वर दोनों भुजाओं की रक्षा करें। महादेव हृदय, ईश्वर पेट की; नाभि, कोख और कमर की; महेश्वर पैरों की। भूतेश सबकी, हर सारे अंगों की रक्षा करें। पाश, शूल, दिव्य अस्त्र, खड्ग और वज्र (इस पंक्ति का जुड़ाव पाठ में स्पष्ट नहीं)।

हे भूतेश, नमस्कार करता हूँ, मेरी रक्षा करो, हे जगदीश्वर। पापों और नरकों से मुझे बचाओ, हे भक्तवत्सल। जन्म, मृत्यु, जरा, व्याधि, काम, क्रोध, लोभ और मोह से मेरी रक्षा करो। तुम्हीं गति, तुम्हीं मति, तुम्हीं भूमि, तुम्हीं आश्रय हो। काया, मन और वाणी से तुममें मेरी भक्ति दृढ़ हो।

दुर्वासा-रूप: विनियोग और ध्यान

ॐ अस्य श्रीरुद्रकवचस्तोत्रमहामन्त्रस्य दुर्वासा ऋषिः । अनुष्टुप्छन्दः । त्र्यम्बकरुद्रो देवता । ह्रां बीजम् । श्रीं शक्तिः । ह्रीं कीलकम् । मम मानसाभीष्टसिद्ध्यर्थे जपे विनियोगः ॥ ह्रामित्यादि षड्दीर्घेष्षडङ्गन्यासः ॥
ध्यानम्: शान्तं पद्मासनस्थं शशिधरमकुटं पञ्चवक्त्रं त्रिनेत्रं शूलं वज्रं च खड्गं परशुमभयदं दक्षभागे महन्तम् । नागं पाशं च घण्टां प्रलयहुतवहं साङ्कुशं वामभागे नानालङ्कारयुक्तं स्फटिकमणिनिभं पार्वतीशं नमामि ॥

अर्थ

ऋषि दुर्वासा, छन्द अनुष्टुप्, देवता त्र्यम्बकरुद्र, बीज ह्रां, शक्ति श्रीं, कीलक ह्रीं; ह्रां आदि छह दीर्घ से षडंग-न्यास। ध्यान: शान्त, पद्मासन में, चन्द्र-मुकुट, पाँच मुख, तीन नेत्र; दाएँ शूल, वज्र, खड्ग, परशु, अभय; बाएँ नाग, पाश, घण्टा, प्रलय-अग्नि, अंकुश; स्फटिक-सी कान्ति वाले पार्वतीश को नमन।